Winona Ryder ka folur së fundmi për ndarjen e saj me Johnny Depp në vitin 1993. Ajo tha se nuk e ka përballur mirë ndarjen nga aktori asokohe.
Jo vetëm kaq por ajo theksoi se shëndeti i saj mendor po dëmtohej çdo herë dhe më shumë.
Aktorja e njohur i tha “Harper’s Bazaar” se jeta e saj pas ndarjes i ngjante mjaft mirë filmit “Girl, Interrupted”, në të cilën luajti në vitin 1999.
Winona luante rolin e një pacienteje në një institucion të shëndetit mendor.
Gjithashtu, gjatë fjalës së saj ajo shtoi: “Unë thjesht nuk po kujdesesha më për veten.”
Ryder dhe Depp u konsideruan si një nga çiftet më të dashur asokohe. Ata u takuan në vitin 1989 dhe u fejuan menjëherë pas vetëm pesë muajsh lidhje.
Marrëdhënia e tyre papritmas mori fund në vitin 1993.
Në një intervistë të vitit 2001, ajo pati thënë se marrëdhënia e saj me Depp ka qenë e jashtëzakonshme si dhe shtoi se “nuk di nëse do të kem përsëri një marrëdhënie si kjo që kisha”.
Nga ana tjetër, kujtojmë që Depp u martua me Amber Heard në 2015.
Depp së fundmi fitoi gjyqin kundër ish-gruas së tij, Amber.
Pas pretendimeve të Heard se Depp e kishte dhunuar atë, Ryder doli në mbrojtje të ish-it të saj.
“U trondita absolutisht dhe u mërzita kur dëgjova akuzat kundër tij”, ka thënë më herët ajo.
