Thashethemet për një romancë të mundshme mes ish-partneres së Mauro Icardit, Wanda Nara dhe reperit Elian Ángel Valenzuela i njohur si L-Gante janë konfirmuar, pasi ata janë parë duke u puthur në një sallë bowling në Quilmes të Argjentinës.
E gjithë e vërteta ka dalë në dritë si pasojë e një fotoje e cila është bërë publike ku shihet L-Gante duke iu afruar Wanda Narës duke i dhënë një puthje.
Duhet theksuar se mes çiftit më të ri ka një diferencë të konsiderueshme moshe, pasi Wanda Nara është 35 vjeçe ndërsa reperi i njohur, vetëm 22.
Njerëzit përreth në sallën e bowling vunë re praninë e tyre, duke u kërkuar foto dhe autografe, me L-Gante që e kërkonte më shumë vëmendjen, pasi Wanda donte të qëndronte brenda makinës për të shmangur pikërisht këtë rrëmujë.
Kujtojmë se ishte një deklaratë nga ana e Wanda Nara-s, ku njoftonte se është ndarë përfundimisht nga futbollisti Mauro Icardi, iu dha fund thashethemeve që qarkullonin prej kohësh se dyshja nuk janë më me njëri-tjetrin.
“Më duket shumë e dhimbshme ta jetoj këtë moment. Por falë ekspozimit tim, gjërave që tejkalojnë dhe spekulimet e mediave, unë mendoj se është më mirë që ju ta dini atë nga unë. Unë nuk kam asgjë tjetër për të thënë dhe nuk do të jap më shumë detaje në lidhje me këtë ndarje. Unë ju kërkoj ju lutem të kuptoni pozicionin tim, jo vetëm për mua, por edhe për fëmijët e mi,”-shkruante Wanda në postimin kur njoftoi ndarjen.
Kohët e fundit, ata të dy kishin nënshkruar tashmë letrat e divorcit pas ‘problemeve serioze’ midis tyre. Ata u pajtuan më pas, por tani duket se martesa e tyre ka përfunduar plotësisht dhe nuk ka kthim mbrapa.
Kujtojmë që Wanda dhe Icardi janë prindër të dy fëmijëve gjithashtu.
