Historia e dashurisë se Dua Lipës dhe Anwar Hadid ka vetëm pak muaj, megjithatë gjërat mes tyre po avancojnë shumë shpejt.
Tashmë Dua është bërë pjesë e pandarë e familjes Hadid dhe kalon shumë kohë pranë tyre.
Ajo është parë shpesh në shoqëri të motrave dhe të ëmës së Anwar megjithatë u habitëm kur pamë se ajo ka marrëdhënie të mira edhe me të atin e të dashurit të saj.
Ndonëse Mohamed Hadid nuk jeton pranë familjes së tij, ai e paska takuar Duan dhe mbështet plotësisht lidhjen e dy të rinjve.
Këtë e tregon më së miri një foto që ai ka publikuar në Instagram.
Në foton e tij shihet Dua Lipa dhe Anwar teksa përqafohen në mes të rrugës.
Fotoja është shoqëruar me shumë komente nga ndjekësit dhe mes tyre vihet re edhe përgjigja e Dua Lipës. Ajo i ka kthyer një zemër duke treguar se marrëdhënia qenka mjaft e afërt.
Kujtojmë se edhe Anwar ka takuar të gjithë familjen e Duas, pasi ai erdhi në Kosovë së bashku me ta me rastin e festivalit “Sunny Hil”.
