Shumë njerëz me çrregullime ankthi kanë probleme me gjumin. Kjo është për t’u shqetësuar. Gjumi shumë i vogël ndikon në humor, duke kontribuar në nervozizëm dhe ndonjëherë depresion. Gjumi zakonisht përmirësohet kur trajtohet një çrregullim ankthi. Praktikimi i mirë i “higjienës së gjumit” ndihmon gjithashtu.
Këtu janë disa hapat që mund të ndërmerrni për të pasur një gjumë më të qetë:
1.Zgjohuni çdo mëngjes në të njëjtën orë
Duke ndjekur një orar të caktuar, ndihmoni organizmin të krijojë një program ditor.
2.Mundohuni të ekspozoheni për pak minuta në dritën e diellit, çdo ditë
Nëse gjatë gjithë ditës qëndroni larg dritës natyrale atëherë ora juaj biologjike fillon e shpërqendrohet. Vetëm drita natyrale e ndihmon atë të koordinohet sërish.
3.Ushtrohuni
Duke lodhur trupin gjatë ditës, gjatë darkës do të keni nevojë për çlodhje më shpejt se zakonisht.
4.Mbani një bllok shënimesh me ato që duhet të bëni ditët në vazhdim
Kjo do ju ndihmojë të jeni të organizuar e të mos keni ankth e mendime kur shtriheni për të fjetur.
5.Mbajeni celularin larg
Është vërtetuar se drita e telefonit e shpërqendron sistemin njerëzor dhe e mban atë zgjuar
6.Leximi ose dëgjimi i muzikës
Leximi dhe dëgjimi i muzikës ose relaksimi para gjumit me një banjë të nxehtë mund t’ju ndihmojë të flini.
