Pak ditë më parë në Dibër të Madhe, ndodhi një ngjarje e rëndë që tronditi mbarë opinionin. Anëtarët e një familjeje u gjetën të vrarë në oborrin e shtëpisë.
Viktimat janë Amid Pocesta 55 vjeç, bashkëshortja Nazmije Pocesta 53 vjeç dhe vajza e tyre e mitur Anila Pocesta 14 vjeç. Ata jetonin prej vitesh në Itali dhe ishin kthyer për disa ditë pushimesh në vendlindje.
Mirëpo ndërkohë që fillimisht u përfol në media se autori i vrasjes ishte kunati i Amidit, ditën e sotme detaje të reja dolën. Autorja e krimit është vajza e tyre e madhe, e cila gjithashtu jetonte në Itali.
Ajo tashmë është arrestuar dhe mediat italiane shkruajnë se Blerta Pocesta ka pranuar në polici vrasjen e prindërve dhe motrës së saj.
Dyshohet se vajza e madhe e familjes Pocesta është ndihmuar nga dy persona të tjerë, personi F.G. nga Gostivari i cili ka qenë transportuesi i vajzës nga kufiri deri në Dibër dhe personi tjetër është nipi i F.G., i cili u arrestua dje nga policia dhe ka pranuar se ai i ka shitur vajzës së familjes Pocesta armën me të cilën është kryer krimi. Ndërsa ende ngelen të paqarta shkaqet se përse vajza e ka kryer këtë akt të rëndë.
