Detaje të reja janë zbardhur për vrasjen e dyfishtë në Mirditë, ku Fatmir Kolecaj vrau ish-kunatin Vledison Filopati dhe ish-gruan Esmeralda Filopati pas një debati.
Sipas informacioneve të fundit, 47-vjeçari ka tentuar vetëvrasjen në kohën kur ishte i burgosur në Shënkoll të Lezhës.
Ngjarja ka ndodhur mëngjesin e 12 shtatorit të vitit 2017-të, kohë kur ai vuante dënimin për veprat penale “Dhunë në familje” dhe “Prodhim dhe mbajtje pa leje të armëve dhe municioneve luftarake”.
Fatmir Kolecaj ka shkuar i armatosur në familjen e ish-gruas Esmeraldës dhe ka kërkuar të takojë tre vajzat e tij, por ka hasur në rezistencën e ish-kunatit, të cilin pas debatit e ka qëlluar me armë duke e lënë të vdekur në vend.
Si duket sot Fatmir Kolecaj
Më pas ish-bashkëshortja e ka ndjekur në oborr Kolecajn dhe pas debatit ai ka qëlluar edhe atë dhe është arratisur.
Dje, drejtoria Vendore e Policisë Lezhë vuri në dispozicion 5 milion lekë për këdo që jep informacion të saktë mbi vendndodhjen e autorit.
“Cilido që disponon informacion të vlefshëm për autorin e dyshuar, shtetasin Fatmir Kolecaj, 47 vjeç, banues në fshatin Zejmen, Lezhë, të telefonojnë në numrin 069 41 06 449 dhe në numrin pa pagesë 112 apo në Komisariatin Dixhital, duke i siguruar anonimat të plotë dhe të sigurt”, njofton policia.
/Newsbomb
