Dy ditë më parë, Rrësheni u trondit nga një krim i rëndë.
Fatmir Koleci ekzekutoi ish-gruan e tij, Esmeralda Filopatin dhe vëllain e saj, Vladison Filopatin në derë të shtëpisë së tyre.
Fatmir Koleci sapo ishte kthyer në Shqipëri dhe siç u mësua, ai ishte fshehur në fshatin e tij për t’i shpëtuar arrestimit.
Drejtoria Vendore e Policisë në Lezhë kishte vënë në dispozicion 5 milion lekë për këdo që do të jepte informacion të saktë mbi vendndodhjen e autorit.
Mirëpo, burime për “FaxNews” kanë treguar se Fatmir Koleci është vetëvrarë në banesën e tij në fshatin Zejmen të Lezhës.
Mbeten ende të paditura rrethanat në të cilat humbi jetën autori i krimit.
