Një ngjarje e rëndë tronditi mbrëmë opinionin publik shqiptar, pasi bashkëshorti vrau gruan dhe kunatën mbrëmjen e djeshme në Ballsh. Tashmë është zbardhur dëshmia e Gazmend Mustës, autorin të vrasjes së dyfishtë që ndodhi në sy të dy fëmijëve të mitur.
34-vjeçari është shprehur se vrasja nuk ndodhi për shkaqe xhelozie.
“Ajo më kërkoi të shkonte te prindërit, por nuk e lejova pasi nuk kisha marrëdhënie të mira me vjehrrin”, është shprehur Musta, sipas Report Tv.
Gjithashtu mësohet se 34-vjeçari ishte kthyer i dehur në shtëpi pasi kishte qenë në fshtin e tij Drenovë për festa.
Gazmend Musta qëlloi për vdekje gruan e tij Gentiana Caushaj, 31 vjeç dhe motrën e saj Merisa Caushaj, 18 vjeç.
Vrasja e dyfishtë ndodhi pas një debati mes bashkëshortëve pasi gruaja kërkonte të shkonte tek prindërit e saj.
Kunatën e tij e kishte gjetur në shtëpi, pasi ajo kishte ardhur të merrte të motrën dhe dy fëmijët e vegjël.
