Kyle Rittenhouse vrau dy persona dhe plagosi një të tretë në protestat vitin e kaluar pasi një oficer i bardhë qëlloi pas shpine një zezak, Jacob Blake.
Një juri të premten e shpalli Kyle Rittenhouse të pafajshëm për akuzat lidhur me vrasjen e dy personave në një protestë kundër racizmit dhe plagosjen e një të treti në Kenosha, Wisconsin, vitin e kaluar, pas një gjyqi të trazuar që përfshiu Amerikën.
Rittenhouse vrau Joseph Rosenbaum, 36, dhe Anthony Huber, 26, dhe plagosi Gaige Grosskreutz, 27, kur i qëlloi me një pushkë sulmi teksa endej rrugëve të Kenosha me njerëz të tjerë të armatosur që vepronin si një milici të vetë-përshkruar gjatë protestave në gusht. 2020, pasi një oficer policie i bardhë qëlloi pas shpine një zezak, Jacob Blake.
Gjyqi u pa si një rast provë për SHBA-në, pasi u duk se ilustron qëndrime të kundërta të zbatimit të ligjit kur përballën me burra të bardhë ose adoleshentë që pretendonin se vepronin si personel sigurie informale të stilit vigjilent, të armatosur me pushkë sulmi dhe ndryshe me anëtarë të zinj apo atyre që protestojnë në mbështetje të lëvizjes Black Lives Matter.
Duke pretenduar vetëmbrojtje, Rittenhouse ishte deklaruar i pafajshëm për akuzat për vrasje dhe tentativë vrasjeje dhe gjithashtu për dy akuza për rrezikim ttë sigurisë, për gjuajtjen me armë pranë të tjerëve. Ai u akuzua edhe për armëmbajtje pa leje nga një i mitur, por gjyqtari e hodhi poshtë këtë pikë ndaj tij gjatë gjykimit.
Ai ishte 17 vjeç kur erdhi në Kenosha nga shtëpia e tij në Illinois në gusht 2020 dhe filloi të patrullonte rrugët, duke qëndruar jashtë pas shtetrrethimit, me miratimin e dukshëm të disa prej oficerëve të policisë në detyrë në atë kohë, të cilët shpërndanë ujë për grupe civilësh të armatosur që qarkullonin përreth.
Presidenti amerikan, Joe Biden, tha se ndihej i inatosur dhe i shqetësuar nga vendimi i jurisë për të shpallur të pafajshëm Kyle Rittenhouse, adoleshentin që qëlloi për vdekje dy persona dhe plagosi një të tretë gjatë trazirave ne Kenosha, Usikonsin, vitin e kaluar.
I pyetur të premten në Shtëpinë e Bardhë për 18-vjeçarin, të cilin e kishte etiketuar supremacist të bardhë, Biden tha: “Pranoj vendimin e jurisë. Ky sistem funksionon dhe duhet t’i bindemi”. Më vonë, ai lëshoi një deklaratë për mediat duke thënë: “Edhe pse vendimi ka bërë që shumë amerikane të ndihen të inatosur dhe të shqetësuar, përfshi edhe mua, duhet të pranojmë që juria foli”. Gjatë fushatës zgjedhore të vitit të kaluar, Biden kishte postuar një video në Twitter ku Rittenhouse lidhej, pa asnjë provë, me supremacistët e bardhë.
Ndryshe nga Biden, ish-presidenti Donald Trump përgëzoi të premten adoleshentin. “Urime Kyle Rittenhouse-it për faktin që është i pafajshëm ndaj çdo akuze”, tha Trump në një deklaratë të publikuar. “E meqë ra fjala, po nuk qe ky rast vetëmbrojtja, asnjë tjetër nuk është! Gjyqi ishte vetëm një gjueti shtrigash e të majtës”.
Pas vendimit të gjykatës në disa qytete amerikane pati protesta të shumta. Qindra persona dolën në rrugët e New-York për të kundërshtuar vendimin. Më problematike u shfaq situata në Portland, Oregon, ku rreth 200 persona nisën të thyenin dritaret e dyqaneve dhe të qëllonin me objekte efektivët e policisë. Reagime të shumta pati edhe në rrjetet sociale ku dasitë partiake luajtën rol në pikëpamjet e njerëzve, me liberalët që e quajtën adoleshentin një vrasës racist, ndërsa konservatorët e vlerësuan për detyrën qytetare.
