Një familje me tre anëtarë u gjetën të masakruar në oborrin e shtëpisë së tyre në Dibër të Madhe, pasi kishin ardhur më pushime nga Italia.
Persona të paidentifikuar kanë qëlluar mbi Amid Pocestën, bashkëshorten e tij Nazime Pocesta dhe vajzën e tyre 13-vjeçare Anila Pocesta.
Pas kësaj ngjarje mediat në Maqedoni po shkruajnë se autori i vrasjes është burri i motrës së Amidit, me inicialet R.F.
Kunati i tij njihej si një person konfliktual dhe madje disa ditë më parë kishte pasur një sherr me familjen, ndërsa mbrëmjen e djeshme i ekzekutoi.
Burime mediatike nga Maqedonia kanë thënë për “Report TV” se shkak i konfliktit që solli vrasjen e këtyre tre personave ishte një sherr për një rrugicë që lidhte banesat e dy familjeve.
Mësohet se edhe autori i krimit jetonte në Itali dhe kishte ardhur me pushime në Dibër ditët e fundit.
Ndërsa trupat e pajetë ndodhen në morgun e qytetit, policia ka nisur kërkimet për arrestimin e autorit të krimit.
Burimi: Syri.net
