Hetimet për vrasjen që ndodhi në ish-Bllok më 4 tetor ende vazhdojnë. Prokuroria tashmë ka administruar në dosje një tjetër provë lidhur me ekspertizën e telefonit të viktimës, Fabian Gaxha, i cili ishte pjesë e grupit të biznesmenit Ervis Martinaj.
Burime nga Prokuroria bëjnë me dije se, në aparatin celular janë zbuluar disa komunikime në WhatsApp mes Gaxhës dhe Elion Hatos. Me screenshot-in e një mesazhi të ardhur në telefonin e tij, dërguesin e të cilit është duke e hetuar Prokuroria, Hato i ka kërkuar Gaxhës të vinte menjëherë në lokal i pajisur me armë.
Ashtu sikurse rezulton në dosje, pak minuta më pas Gaxha ka hyrë në lokal dhe është konfliktuar me komandon Meviol Bilo, që shoqëronte biznesmenin Ervin Mata. Në debat e sipër 26 vjecari ka qëlluar më armë. Sulmit i është kundërpërgjigjur komando Bilo, duke e lënë atë të vrarë, ndërsa të plagosur mbetën Ervis Martinaj dhe Elion Hato, të cilët u ndaluan në spital dhe vijojnë të mbahen nën masën e arrestit me burg.
Nga ana tjetër sipas ekspertëve të Mjekësisë Ligjore, qëndrimi në qelitë e paraburgimit vë në rrezik jetën e Hatos, i cili duhet të mbahet në ambientet e një spitali civil, ku mund të marrë shërbim të specializuar.
Kujtojmë se në kërkim për ngjarjen janë tashmë vetëm biznesmeni Ervin Mata, i fejuari i Elvana Gjatës dhe komando Meviol Bilo.
Ervin Mata
Merviol Bilo
