Ervin Mata, i cili u dorëzua pak ditë më parë pasi ishte në kërkim për vrasjen në ish-Bllok, më 4 tetor të vitit të kaluar, është lënë i lirë nga gjykata.
Ndonëse Prokuroria kërkoi për të masën “Arrest me burg”, gjykata ka caktuar “Detyrim paraqitje”.
Në dëshminë e tij Mata mohoi të ketë lidhje me vrasjen, duke deklaruar se e sulmuan dhe se nuk është ai autori i vrasjes së Fabiol Gaxhës.
“Nuk kam lidhje me vrasjen, mua më sulmuan. Ika nga vendi i ngjarjes se u frikësova. Nuk e kam vrarë unë Fabiol Gaxhën”, ka deklaruar Mata në polici.
Nga sherri në lokal mbeti i vrarë Fabiol Gaxha dhe u plagosën Ervis Martinaj dhe Eljon Hato. Asokohe u tha se molla e shërrit ishte Elvana Gjata, por më pas u mësua se vrasja ndodhi pas një zënke për prishjen e pazareve të drogës.
Sherri nisi fillimisht mes komandos Mervjol Bilo dhe Eljon Hatos të cilët janë zënë për rreth 30 sekonda me grushta, ndërsa pak më tutje po ziheshin Ervis Martinaj dhe Ervin Mata.
Në një moment viktima Fabjol Gaxha ka nxjerrë armën dhe ka qëlluar duke bërë që komando Mervjol Bilo t’i përgjigjet po ashtu me armë duke qëlluar fillimisht Eljon Haton dhe më pas mbi personat e tjerë, ku Gaxha mbeti i vetmi i vdekur.
Mervjol Bilo vijon të jetë në kërkim.
