Pas Ajaks Boshnjakut, një tjetër person i arrestuar për përplasjen me armë në zonën e ish-Bllokut në Tiranë është lënë i lirë.
Bëhet fjalë për Geldo Hotin, i cili njihet si miku i komandos, Merviol Bilo, i shpallur në kërkim për vrasjen e Fabjol Gaxhës.
Në datë 8 tetor Gjykata e Tiranës kishte vendosur masën e sigurisë 45 ditë burg ndaj tij, e cila ka përfunduar në datë 20 nëntor.
Hoti u arrestua në datë 6 tetor në tentativë për t’ u arratisur në Greqi, ndërsa u akuzua mbi dyshimet se kishte qëlluar me armë në ish-Bllok, ku mbeti i vrarë Fabjol Gaxha dhe të plagosur, Ervis Martinaj dhe Eljo Hato.
Përpara togave të zeza ai ka hedhur poshtë akuzat duke deklaruar se nuk ka qëlluar askënd me armë dhe nuk ka lidhje ngjarjen.
Tashmë për ngjarjen e 4 tetorit në Bllok, ku mbeti i vrarë Fabian Gaxha, mbeten në burg Ervis Martinaj dhe Eljon Hato.
Ndërsa në kërkim janë Ervin Mata, Fabio Allushi, Meviol Bilo.
/Ora News
