Ish-konkurrenti i “Përputhen”, Andi Artani, ka ndarë detaje të rënda dhe tronditëse lidhur me ngjarjen tragjike që ka ndodhur në Florida, SHBA, ku modelja 27-vjeçare, Sabrina Krasniqi, vrau bashkëshortin e saj Pajtim Krasniqi dhe më pas mori jetën e saj.
Andi ka rrëfyer se Sabrina kishte tradhtuar bashkëshortin e saj, dhe kur 34-vjeçari u informoi se do të ndaheshin, ajo nuk e pranoi ndarjen. Sipas Andit, Sabrina reagoi në një mënyrë tragjike, duke qëlluar me pesë plumba Pajtimin në ballkonin e banesës së tyre luksoze në Florida, dhe pas kësaj, ajo kryente aktin më të rëndë, duke i dhënë fund edhe jetës së saj.
Andi e kujton Pajtimin si një njeri të nderuar dhe të dashur, duke theksuar se ai ka qenë një shembull për të gjithë, një njeri besnik, i disiplinuar dhe me besim të fortë në Zot.
Postimi i plotë i Andi Artanit:
“Po e filloj njëherë duke thënë që sa me fat kam qenë që t’kom pas pjesë të jetës more Pajtim Krasniqi. Ke qenë për me u marr shembull, djalë i respektushem, besnik, i disiplinuar, i dashtun dhe mbi të gjitha besimtar jashtëzakonisht i madh në Zot. Oh kemi aq shumë histori dhe kujtime bre Pajtim burri.
Fjalët janë pak me përshkru dhimbjen dhe vuajtjen që jemi tu e përjetu pa prezencën tënde këtu me ne. Na ke këput shpirtin me këtë tragjedi, që nuk e meriton armiku me i madh e le mo ti që ke qenë shembull bre, që nuk i ke hi ne hak askujt bre asnjëhere.
Për hir të se vërtetës po ua sqaroj njëherë dhe mirë se cka ka ndodh me vllaun tonë.
Gruaja e tij Sabrina Krasniqi (Dzaferovic) ka qenë duke e tradhëtuar Pajtimin. Në momentin që Pajtimi ka marrë vesh, Pajtimi me një qetësi ia ka theksu që don shkurorëzim dhe që ka me lajmëru babain e saj që don mu nda. Sabrines nuk ja ka përceptu truri ky fakt dhe na e morri shokun, familjarin, vëllaun tonë nga jeta duke i fut 5 plumba ne trup dhe pastaj vazhdoj me aktin më egoistik, ku i morri jetën dhe vetes.
Zoti jam i bindur që të ka shpërbly me Xhehnetë.
Unë, Andi Artani do të kujtoj cdo ditë me mall dhe do mundohem mungesen tënde këtu me ne ta kthej ne forcë, e ti kujtoj me një buzëqeshje e hare kujtimet me ty, sepse janë me pa dyshim ndër momentet ma të mira të jetës që kemi kalu.
Të don shumë VËLLAU YT ANDI”.
