Detaje tronditëse janë zbardhur nga vrasja e 32-vjeçares Suela Saliaj në Florida, nga bashkëshorti i saj, me të cilin prej dy vitesh jetonin të ndarë.
Një familjar i të ndjerës tregon se dëshmitare e ngjarjes makabër ka qenë vajza e tyre e mitur, e cila u rrëmbye më pas për disa orë nga babai i saj, derisa u arrit që të gjendej nga policia.
Shkaku i ngjarjes së rëndë dyshohet të ketë qenë fakti se autori ishte përdorues i lëndëve narkotike. Sipas tij Suela ishte e vendosur që ta mbante Renaton larg familjes për shkak të varësisë që ai kishte ndaj drogës.
“Jam shumë mik me babain e Suelës. Shkaku sipas prindërve të Suelës ishte se Renato ka qenë përdorues i lëndëve narkotike dhe sipas tyre kjo ka qenë arsyeja që jetonin veç prej dy vitesh. Suela e kishte nxjerrë nga shtëpia për arsyen se përdorte lëndë narkotike. Ajo do ta merrte sërish në shtëpi nëse do ta ndërpriste këtë ves. Djali ushtroi dhunë edhe mbi prindërit e tij në orën 2.30 të natës. Pasi ushtroi dhunë mbi prindërit, shkoi te Suela pasi kishte një çelës. Nuk dihet nëse ka qenë droga apo problemet mendore. Në Florida aplikohet dënimi me vdekje nëse nuk provohet që ka probleme mendore. Vajza e vogël ishte prezente kur ai masakroi nënën e saj me thika. Dje ka qenë në gjendje të mirë”, tregoi ai.
