Vrasja e 18-vjeçarit Lulzim Fejzullahut në Podujevë, ngjarje e ndodhur rreth dy javë më parë ka përfunduar në kanun. Familja e të ndjerit i ka dhënë 1 muaj besë familjarëve të dy vrasësve të mitur. Bekim Jashari, imami nga Podujeva, ka njoftuar se xhaxhai i 18-vjeçarit të vrarë do e zgjidhë me Kanun vrasjen e nipit të tij.
“Rrahim Fejzullahu, mixha i të ndjerit Lulzim Fejzullahu, e nderoj Zotin e Kombin tonë me dhënie të besës ( Një muaj nga sot ) për familjen e dorasit. Zoti e mëshiroftë Lulin, e bekoftë familjen e madhe të Rrahimit”, shkruan Jashari.
Dhënia e Besës në Kanun do të thotë se familjet e autorëve do të jenë të sigurta për 1 muaj nga gjakmarrja dhe kanë mundësinë të largohen, por pasi ky afat të kalojë familja e viktimës do të hakmerret për jetën e humbur të 18-vjeçarit Lulzim Fejzullahu.
https://www.instagram.com/p/C2m0iTIsSsC/
