Pas 4 muajve në arrati, është vetëdorëzuar në polici 31-vjeçari Griseldo Kusi, i cili akuzohet për vrasjen e teknikut të kondicionerit, Indrit Çelaj.
Prej muajsh ai kërkohej nga Policia, e cila ka zhvilluar kontrolle në të gjithë vendet e dyshuar dhe për pasojë avokati ka dorëzuar një prej vëllezërve.
Ndërkohë Albano Kusi aktualisht ndodhet në arrati.
Indrit Çela u vra më 22 gusht teksa po punonte në një vilë për rregullimin e kondicionerit dhe të dyshuatit për vrasje janë dy djemtë e pronarit.
Griseldi dhe Albano, thuhet se vranë teknikun e kondicionerit dhe u përpoqën që t’ja hidhnin fajin kolegut të Indritit.
Gjithashtu policia ka arrestuar edhe katër persona të tjerë, pronarin e vilës Bujar Kusin, Edmond Sula, i cili akuzohet për veprat penale “Vrasja me dashje” në bashkëpunim, “Prodhimi dhe mbajtja pa leje e armeve luftarake dhe e municionit” dhe “Përkrahja e autorit të krimit”, Ferdinand Bakalli dhe Luan Çaka gjithashtu akuzohen për “Moskallëzim krimi” dhe “Veprime që pengojnë zbulimin e së vërtetës”.
