Ky edicion i dorëzimit të “Topit të Artë” është historik, pasi për herë të parë organizohet në bashkëpunim me UEFA-n. Po ashtu, janë vendosur rregulla të reja për të përcaktuar votuesit që do të përzgjedhin fituesit në kategoritë për femra dhe meshkuj.
Sipas rregullores së re, votuesit për çmimin e meshkujve do të jenë gazetarë nga vendet që renditen mes 100 të parëve në klasifikimin e FIFA-s. Kjo do të thotë se Shqipëria do të ketë përfaqësim në këtë proces, ndërsa Kosova, e cila aktualisht renditet në vendin e 101-të, do të mbetet pa votues për këtë kategori.
Përsa i përket çmimeve për femrat, Shqipëria nuk do të ketë asnjë përfaqësim si votuese. Organizatorët kanë përcaktuar që votuesit për futbollin e femrave duhet të vijnë nga vendet që renditen mes 50 të parëve në klasifikimin e FIFA-s.
Me një renditje aktuale në vendin e 73-të dhe një maksimum të arritur prej vendit të 59-të, Shqipëria nuk përmbush kriteret për të marrë pjesë në këtë proces votimi.
