Sot, vëmendja, në fakt, nuk ishte tek ҫifti Meta-Kryemadhi, por tek e bija, Bora, e cila votoi për herë të parë. Me përgjegjësinë e një vajze të rritur, edhe ajo iu bind së drejtës për të votuar.
Por përtej emocioneve të saj, më e emocionuar sot duket se ka qenë e ëma, Monika, e cila e ka ndarë me të gjithë këtë lloj ndjesie:
Vota është detyrë qytetare për të gjithë dhe e tillë ka qenë për mua dhe Ilirin gjithmonë. Por sot, së bashku përjetuam një emocion të veçantë, sepse bashkë me ne votoi për herë të parë Bora, vajza jonë e madhe. Më duket si dje dita kur e mora ne krahë për herë të parë, e sot kur e pashë kaq të rritur dhe të përgjegjshme për votën, ndjeva të njëjtin emocion. Vitet shkojnë shpejt dhe fëmijët rriten si pa kuptuar. Ndaj është shumë e afërt dita kur do jenë të rinjtë që do marrin fatet e vendit në dorë! Shqipëria meriton një të ardhme më të mirë dhe këtë do e realizojnë shqiptarët me fëmijët e tyre.
