Ajo është një nga femrat më të fotografuara në botë, e njohur për zgjedhjet e saj perfekte në veshje dhe dizajnët e mahnitëse. Por Dukesha e Kembixhit nuk kishte pozuar kurrë më parë në një revistë mode, deri më tani.
Në një seri fotosh për të festuar 100-vjetorin e revistës “Vogue” britanike, Dukesha shfaqet në koverin e muajit qershor.
“Vogue” dhe “National Portrait Gallery” bashkëpunuan në një seri portretesh fotografike, që tregojnë Kate të relaksuar në fshat. E stiluar nga drejtoresha e modës së revistës Lucinda Chambers, e tregojnë Dukeshën të relaksuar dhe të lumtur, të veshur me rroba casual.
Dy nga imazhet në revistën aktuale “Vogue 100: A Century of Style” (Vogue 100: Një shekull stili) do të shfaqen në ekspozitën e galerisë dhe një portofol prej shtatë fotografësh përfshirë koverin dhe një artikull shoqërues që do të shfaqet në numrin qindvjeçar të qershorit të “Vogue”.
Fotografitë e realizuara nga fotografi britanik, Josh Olins, do të varen në Galerinë Portrait Gallery, ku Kate ka qenë sponsorizuese që nga viti 2012. “Dukesha do të vizitojë galerinë të mërkurën për të parë fotot”, tha Kensington Palace.
Por ka disa gjëra që nuk mund t’i keni vënë re në tre fotografitë e Kate. Në dy nga imazhet ajo është shfaqur me dy modele flokësh të ndryshme, ndërsa vijat natyrale që krijohen te sytë nga e qeshura nuk janë prekur.
Makina që shfaqet në sfond pas Kate, një Land Rover Defender, dyshohet se është vendosur si reklamë me qëllim. Në fakt, pavarësisht se Land Rover ka qenë e prefruara e familjes mbretërore, ky model u hoq nga qarkullimi në janar, 68 vite pasi u hodh në treg.
Duart e Kate janë të rregulluar jo rastësisht për të treguar unazën me safir dhe unaza e martesës me diamant, që dikur stolisnin dorën e Princeshë Diana-s.
Ndërsa bluza e saj me vija kushton vetëm 35 paund dhe është nga marka e saj e preferuar franceze, Petit Bateau.
Burimi: Daily Mail
