Ditën e djeshme në emisionin “Goca dhe Gra” të moderuar nga Fatma, Olesia, Tea dhe Krista ka qenë e ftuar moderatorja Dojna Mema.
Ajo ka rrëfyer disa nga detajet për projektin e saj më të ri “Fun Club” si dhe ka komentuar fillimin e Big Brother VIP.
Sipas Dojnës personazhet ishin të gjithë të spikatur në fushat e tyre.
“Big Brother nuk ka formulë, sot pëlqen dikë, nesër pëlqen dikë tjetër që nuk ta merr mendja”,– tregoi Dojna.
Gjithashtu Dojna tregoi se duke qenë se janë VIP-a, secili ka strategjinë e vet, pasi janë të mësuar me median, si edhe rreziku për ta është më i madh, sepse gjithmonë e kanë paraqitur veten në mënyrën më të mirë.
Moderatoret e kanë pyetur Dojnën se si do të reagonte nëse do të shihte të dashurin e saj Vlashentin, brenda shtëpisë së Big Brother me një vajzë tjetër.
“Do të futesha brenda, me leje pa leje do të futesha se e di edhe nga mund të futem. Do ti çoja një gotë ujë a çfarë kishte nevojë nga gruaja”- ka thënë moderatorja duke qeshur.
Kujtojmë se Dojna dhe Vlashenti janë lidhur prej 3 vitesh dhe lidhjen e konfirmuan në fillim të vitit. Ata shpesh kanë ndarë me ndjekësit momente romantike mes tyre dhe duket se gjërat janë bërë shumë serioze.
