Dua Lipa është një nga emrat që e krenon pa fund Kosovën e Shqipërinë me sukseset e saj, teksa pas nuk mbeten as Yllka Gashi e Blerta Basholli.
Të treja janë takuar së fundi me presidenten e Kosovës, Vjosa Osmani, pasi kjo e fundit ndodhet në një vizitë zyrtare në Shtetet e Bashkuara të Amerikës. Osmani do të marrë pjesë pjesë në mbrëmjen e ndarjes së çmimeve të Lidershipit të Shquar 2021 në Këshillin Atlatanik.
Pjesë e ceremonisë do të jetë edhe Dua Lipa dhe madje do të nderohet për arritjet e saj me këtë çmim. Dua ka pasur një vit të shkëlqyer muzikor dhe çdo këngë që ka publikuar është pozicinuar në krye të top-listave dhe është kthyer në hit.
Ndërkohë, në Washington DC ka qenë edhe regjisorja e filmit “Zgjoi” Blerta Basholli dhe aktorja kryesore, Yllka Gashi.
Filmi i suksesshëm po jepet premierë gjatë këtyre ditëve në kinematë në SHBA dhe ka arritur për komunitetin shqiptar dhe jo vetëm, në Washington.
Foto të katër grave të suksesshme janë publikuar në rrjetet sociale, ndërsa Dua shihet e buzëqeshur duke uruar Yllkën dhe Blertën për arritjet që filmi “Zgjoi” ka shënuar.
Të treja artistet e suksesshme kanë marrë gjithahstu urimet e presidents Vjosa Osmani.
