Regjisorja Vjosa Berisha humbi jetën vetëm pak ditë më parë. Kujtojmë që ajo ishte diagnostikuar me kancer në vezore prej më shumë se një viti.
Largimi i saj nga jeta pikëlloi familjarët, miqtë dhe kolegët e saj.
Madje, shumë personazhe VIP si Dafina Zeqiri dhe Arbana Osmani bënë reagime në rrjete sociale për ndarjen nga jeta të regjisores. “Sa më pikëllove o Vjosa, sa shumë do na mungosh, ah sa shumë”, shkroi moderatorja Arbana Osmani më herët.
“ U prehsh në paqe ti njeri i bukur”, shkroi Dafina Zeqiri, e cila kujtojmë që publikoi edhe një bisedë që kishte zhvilluar më herët me Vjosën.
Mirëpo, së fundmi është bërë me dije edhe data se kur do të mbahen homazhet për të.
Bashkëshorti i Vjosës, Fatos Berisha ka publikuar një njoftim në rrjetet sociale, ku bën me dije se homazhet do të mbahen në Teatrin Kombëtar të Kosovës më 30 qershor.
Njoftimi i plotë:
“Informojmë të gjithë familjarët, miqtë dhe opinionin publik për ceremoninë mortore të së dashurës sonë Vjosa Berisha”:
E enjte, 30 qershor: 14:00-15:00h homazh në Teatrin Kombëtar të Kosovës (foajea e TKK);
15:00-16:00h Mbledhja komemorative në Teatrin Kombëtar, organizuar nga Ministria e Kulturës (salla e madhe e TKK);
17:00h Varrimi, në varrezat e Prishtinës (Arberi)”.
