Ka ardhur koha të bëjmë përmbledhjet e vitit, dhe kjo është më e bukura!
Personazhet VIP të ekranit shqiptar që u bënë prindër…
2019-a do të mbetet kujtim si një nga vitet më të bukur për shumë personazhe të njohur të ekranit shqiptar. 16 prej tyre gjatë këtij viti u bekuan me një dhuratë speciale siç është ardhja e një fëmije në jetë. Për disa emocionet kanë qenë më të forta, sepse për herë të parë provuan ndjesinë e të qenit nënë/baba.
Këtë vit kanë ardhur në jetë më shumë vajza VIP, kështu që djemtë i kemi pakkk në ‘zhdukje’.
Elita Rudi/Gjiko
Elita Rudi dhe reperi Gjiko u bënë prindër për herë të parë në shkurt të këtij viti. Moderatorja solli në jetë një djalë që e pagëzuan me emrin e veçantë, Zëri.
Anjeza Shahini
Më 8 mars, Anjeza Shahini dha lajmin se është bërë nënë për herë të parë. Përmes një fotoje të publikiar në Instagram ajo zbuloi se solli në jetë një vajzë dhe emrin ja vendosi, Tori.
Linda Halimi
Këngëtarja shqiptare, Linda Halimi u bë nënë për herë të parë e një vajze në muajin mars. Lajmin e bëri të ditur bashkëshorti i saj, reperi i njohur amerikan Davon Edwards, i cili zbuloi se për vogëlushen kishin zgjedhur emrin Kaimana.
Diellza Kolgeci
Ish-Miss-i shqiptar Diellza Kolgeci dhe partneri i saj, basketbollisti Fisnik Rugova u bënë prindër për herë të parë në muajin prill. Në jetë erdhi një vajzë me emrin Helena.
Almeda Abazi/Tolgahan Sayisman
Almeda Abazi dhe bashkëshorti i saj, Tolgahan Sayisman, u bënë prindër për herë të parë mëngjesin e 6 majit. Lajmin e ëmbël e mësuam si fillim nga mediat turke dhe më pas në Instagram plasën fotot e bukura pas lindjes.
Renis Gjoka
Pasi mbajti të fshehtë për 9 muaj, lajmin se do të bëhet baba Renis Gjoka zbuloi se u bë baba në muajin qershor. Ai u bekua me një vajzë, të quajtur Aura.
Rona Nishliu
Pas martesës private, Rona Nishliu zbuloi se do të bëhet nënë për herë të parë. Në korrik, ajo solli në jetë një vajzë të quajtur Noa.
Jorida Tabaku
Për ish-deputeten e Partisë Demokratike, Jorida Tabaku, pritja e ëmbël mori fund në muajin korrik. Ajo u bë nënë për herë të tretë e një djali të quajtur, Dren.
Eliza Dushku
Në muajin gusht, Eliza Dushku dha lajmin se u bë nënë për herë të parë. Ajo solli në jetë një djalë, të cilin e pagëzoi me emrin Bourne.
Megi Topalli
Ajo bashkëjetonte prej kohësh me partnerin e saj shkodran, ndërsa lajmin për pritjen e ëmbël e dha iconstyle.al. Megi Topalli solli në jetë një një vogëlush në muajin gusht, të cilin po mundohet ta mbajë sa më larg mediave.
Ariana/Ermal Fejzullahu
Në 25 shtator Ermal Fejzullahu u bë baba për herë të katërt. Bashkëshortja e tij, Ariana solli në jetë një vajzë, të cilën e pagëzuan me emrin Ana.
Najada Konomi
Ish-banorja e famshme e “Big Brother Albania 1”, Najada Konomi, u bë nënë për herë të parë në muajin tetor. Në një spital në Itali, ajo solli në jetë një vajzë që e pagëzoi me emrin Aria.
Granit Xhaka
Në datën 8 tetor futbollisti i njohur Granit Xhaka u bë baba për herë të parë. Partnerja e tij, Leonita, solli në jetë një vogëlushe të cilës çifti i vendosi emrin Ayana.
Gaz Paja
Në tetor aktori i njohur i “Portokalli”, Gaz Paja u bë baba për herë të parë. Ai dhe bashkëshortja Ira kanë zgjedhur ta mbajnë jashtë fokusit të kamerave djalin e tyre, Dard.
Brunilda Lahe
Pritja e ëmbël mori fund këtë vit edhe për moderatoren e njohur shqiptare, Brunilda Lahe. Ajo solli në jetë një vajzë më 17 dhjetor dhe e quajti Hana.
Vilma Masha
Pak para se 2019-të mbarojë, Vilma Masha solli në jetë vajzën e saj. Vilma e dha lajmin e bukur në Instagram dhe zbuloi se vogëlushes i vendosi emrin Sea.
