Plagët ende nuk janë shëruar! Këngëtarja Ariana Grande ka zgjedhur që tërë dhimbjen që ka në shpirt, ta ndajë me miqtë e saj virtualë në rrjetet sociale, ndaj për ta është kthyer në një libër të hapur.
Këngëtarja e hitit “Breathin” publikoi këngën e saj me titull “No Tears Left To Cry” në fillim të këtij viti, që ia dedikonte sulmit me armë në koncertin në Manchester në maj të 2017-ës, ku humbën jetën 22 të rinj. Mirëpo, Ariana ka reflektuar sesi iu përgjigj universi këngës së saj.
“Kujtoj kur mendoja se nuk kisha më lot për të derdhur dhe universiii u përgjigj ‘HAAAAA k**vë ti mendove më kot” – shkruante në “Twitter”, Ariana Grande.
Me 7 shtator, ish-i dashuri i saj Mac Miller, 26 vjeç, u gjet i pajetë në shtëpinë e tij, si pasojë e mbidozës së drogës dhe alkoolit.
Ndërkohë që, Ariana i dha fund edhe fejesës me Pete Davidson.
