Në vitin 2018, aktorja e njohur e humorit Delinda Disha vendosi të largohej nga televizioni “Top Channel” dhe mori mirëkuptimin e të gjithëve, siç ajo tregoi.
Mirëpo, më vonë aktorja u kthye në kryefjalën e mediave, për shkak të një gjyqi të shumëpërfolur me këtë televizion.
Delinda sqaroi për mediat dhe publikun se pak muaj pasi kishte filluar punë në “Klanifornia” asaj i vjen një padi nga televizioni për shkeljen e një kontrate në të cilën ishte falsifikuar firma. Ajo e quajti “të turpshëm” këtë veprim dhe u shpreh se në fund, do të fitojë e drejta.
“Shiko, faktikisht mua padia më ka ardhur gati 4 muaj pasi kisha filluar “Klanifornian” dhe më bëri pak përshtypje me thënë të drejtën sepse unë u ndava shumë mirë me të gjithë, duke filluar që nga Vjollca dhe gjithë të tjerët. Nuk e prisja por ja që ndodhi dhe e turpshmja është që arrin dëri aty sa të hedhin në gjyq duke falsifikuar dhe firmën tënde në një kontratë me të cilën të hidhnin në gjyq Delindën sepse unë marrëdhëniet me Top Channel i kam mbyllur që në 2018.
Ata kanë bërë një kontratë 2-vjeçare që nuk funksionon sepse ne kontratat i kemi pasur 1-vjeçare. Ata kanë bërë një kontratë 2017-2019 në të cilën kishte një klauzolë që ndodhej në kontratë që unë nuk duhet të punoja një vit në asnjë televizion konkurrent aq më tepër në televizionin Klan etj etj. Duke qenë se unë i kisha mbyllur marrëdhëniet mund të isha shumë konshiente për largimin tim nga ai show humori dhe shkova u largova, ndërkohë që në janar më vjen kërkesë padia.
Është e turpshme, unë e përjetova për hir të vërtetës, por tani e kam marrë shumë lehtë sepse e drejta fiton gjithmonë. Është e turpshme që një televizion të arrijë deri në këtë farë niveli që të falsifikojë kontratën e një nga aktorëve që për 5 vite sa kam qenë aty kam pasur marrëdhënie shumë të mira dhe jeta është e gjatë, ndoshta unë mund të shkoja prap.”- tregoi Delinda.
Madje, asaj duket se ende nuk i ka kaluar inati me regjisorin Altin Basha, të cilit këtë fundvit iu besua spektakli në RTSH.
Me ironi, Delinda shkroi në InstaStory:
“Bravo TVSH, mbrëmë ka qenë kokë më kokë me TV Shijakun.”
Ndërkohë, regjisori Basha ende nuk ka reaguar për këtë thumb.
