Të gjithë përpiqemi ta nisim vitin sa më të qeshur e të gëzuar, si një besëtytni për të vazhduar kështu deri në fund të tij. Por David Beckham e nisi vitin 2017 me një sherr me Ron Dennis, në një resort luksoz në Maldiv pasi drejtuesi i “Formula 1” ka deklaruar: “Kam paguar më shumë para”.
Ish-kapiteni përflitet se i është drejtuar ashpër Dennis, për shkak të komenteve negative që ka bërë pasi ka zënë vendet e rezervuara të familjes Beckham dhe të familjes së Gordon Ramsey në festën e Vitit të Ri.
Sipas burimeve, Dennis pasi përfundoi së darkuari, është ulur në tavolinën e rezervuar të familjes Beckham për të parë festimet e Vitit të Ri. Një anëtar i grupit të Beckham i ka kërkuar Dennis të largohet pasi ishin të rezervuar, por ky i fundit ka shpërthyer duke thënë se ai kishte paguar shumë para dhe meritonte të ulej aty.
Mënyra e keqe e sjelljes se Dennis ka bërë që Beckham të përballej me të duke diskutuar ashpër. Pavarësisht zënkës, ditën e nesërme Ron raportohet t’i ketë kërkuar falje David për sjelljen e keqe.
