Pandemia na ka mësuar shumë gjëra duke na bërë të ndryshojmë zakonet e përditshme dhe të ndryshojmë mënyrën e jetesës.
Një nga ndryshimet e mëdha me të cilat njerëzit janë përballur prej muajsh tashmë është edhe mbajtja e maskave, si një mënyrë mbrojtjeje nga Covid-19.
Në shumë vende ajo është bërë e detyrueshme, teksa vende të tjera janë ndërgjegjësuar në domosdoshmërinë e saj.
Duke qenë se është një zakon i ri në jetën tonë, na ndodh shpesh që të harrojmë të vendosim maskat dhe mes nesh qenka edhe Cristiano Ronaldo.
Mbrëmjen e djeshme Portugalia u përballë me Kroacinë në Ligën e Kombeve, por për shkak të një dëmtimi në këmbë, ylli portugez nuk mund të ishte pjesë e formacionit.
Megjithatë, ai e ndoqi ndeshjen nga stolat e tifozëve, duke i dhënë zemër skuadrës, por harroi të vendoste maskën.
E detyruar prej protokollit të sigurisë, njëra prej pjesëtareve të stafit i ka kërkuar atij që të vendosë maskën, kërkesë kjo e pranuar menjëherë prej tij.
Kamerat kanë fiksuar këtë moment që po bën xhiron e rrjetit.
https://www.instagram.com/p/CExeITinI02/?igshid=1cy26vp87b1os
