Tatuazhet janë shumë të preferuar nga personazhet e showbizzit shqiptar. Disa preferojnë tatuazhe të vegjël e shik, dhe disa të tjerë tatuazhe të mëdhenj dhe me ngjyra. Shumë prej këngëtareve dhe aktoreve kanë të paktën një tatuazh në trupin e tyre. Madje viteve të fundit ato sa vinë e shtohen. Disa me kuptim e disa pa ndonjë mesazh të caktuar. Disa prej yjeve që janë deklaruar gjithmonë se ju pëlqejnë arti i vizatimit në trupit janë: Dafina Zeqiri, Jonida Maliqi, Rita Ora, Morena Taraku, Çiljeta Xhilaga, Aurela Hoxha. Por cilët prej personazheve shqiptare kanë bërë një tatuazh që ka një simbolikë të lidhur me muzikën?
1.Kida së fundmi ka bërë një tatuazh prapa veshit. Orhidea Latifi-Kida na e ka bërë të ditur këtë fakt nëpërmjet një publikimit të një video-je në “Instastory”. Ky tatuazh ngjason si një çelës muzikor. “Harroj” është projekti i saj më i fundit i publikuar një muaj më parë në bashkëpunim me Fero.
2.Bes Kallaku, një ndër tatuazhet më të veçanta që ka është një valë zanore ku Xhensila i thotë “Të dua”. Kujtojmë që çifti e kurorëzoi dashurinë e tyre në shtator të këtij viti, me një dasmë përrallore. Aktualisht Besi është tërhequr nga “Portokallia” dhe i është përkushtuar biznesit privat, teatrit dhe ka projekt të vijë së shpejti me nje show televiziv të pa rrahur më parë në ekranet shqiptare.
3. Flori Mumajesi ka bërë tatuazh një shenjë volumi të mbyllur. Ai ka thënë: “Nuk e kam bërë rastësisht këtë tatuazh, përkushtimi ndër vite ndaj muzikës më ka kushtuar 70% të humbjes së dëgjimit nga veshi i majtë”. Flori është një ndër këngëtarët më të dashur për publikun. Çdo këngë që ai bën kthehet në hit. Projekti më i fundit i tij është “Karma”, që ka ardhur si një bashkëpunim me Brunon, Klajdin dhe DJ Vicky-in.
4. Çiljeta Xhilaga pas bashkëpunimit të saj me reperin Noizy me këngën “Ganngsta Love”, bëri tatuazh një kurorë ku shkruhej “OTR”. “Kam vënë kurorën si një anëtare e familjes OTR dhe ndihem e lumtur”: ka thënë këngëtarja në atë kohë. Natyrisht që edhe Noizy dhe një pjesë e mirë e familjes “OTR” e kanë një tatuazh me këtë simbol.
5.Xhensila Myrtezaj e ka shprehur dashurinë e saj të madhe për muzikën edhe nëpërmjet tatuazhit që ka bërë në dorë. Një çelës soli që të bie në sy menjëherë.
Burimi: Iconstyle.al
