Moderatorja Viola Spiro u shndërrua në një ndër emrat më të lakuara në media disa kohë më parë, teksa i dashuri i saj Valentin Selaj u arrestuan Itali, pasi u cilësua si bosi i kokainës në Holandë dhe në Itali.
Për një periudhë të gjatë kohe Viola u mundua të largohet nga vëmendja mediatike, duke na treguar të gjithëve se jeta e saj vazhdon normalisht dhe ajo i është përkushtuar profesionit të saj si moderatore sportive.
Së fundmi e ftuar në emisionin “Lart e poshtë” Viola ka folur për shopping-un dhe blerjet e saj të shtrenjta. Ajo ka treguar se nuk është e fiksuar pas veshjeve të shtrenjta, por një herë i ka marrë borxh motrës së saj për një çantë pasi nuk i kishte dalë rroga.
“Mundohem të blej dhe gjëra të shtrenjta, por kur janë outlet ose kur ka ulje, kur është diçka që bie në sy, por nuk është masive. E urrej kur janë në modë dhe mund ta blejë kushdo, pasi realisht të gjithë mund të blejnë një palë atlete të shtrenjta ose një veshje të shtrenjtë sepse mund të kursejnë. Edhe unë kam kursyer. Madje kam marrë dhe para borxh motrës sime për të blerë një çantë të shtrenjtë që nuk mund ta përballonte një rrogë, kështu që më duheshin ekstra”, u shpreh Viola gjatë intervistës.
