Moderatorja Viola Spiro vijon të tërheqë vëmendjen e mediave me fotot që poston në “Instagram” dhe jo pa qëllim. Ajo ka publikuar një foto ku ka dalë së bashku me të dashurin, por ka harruar një gjë shumë të rëndësishme, të zbulojë fytyrën e saj dhe të tij.
Bukuroshja bionde është përfolur shumë për lidhjen e saj që vijon ta mbajë sekrete. Ajo publikon gjithmonë foto me të dashurin e saj, por e mban anonim. Së fundmi, Viola ka qenë disa ditë me pushime në ishullin Santorini, nën shoqërinë e të dashurit nga ku besohet se është bërë edhe fotoja e çuditshme.
Ende nuk e kuptojmë se çfarë ka dashur të thotë Viola me këtë foto të prerë, por një gjë është e sigurt, ajo kërkon vëmendje dhe ia ka arritur. Njëra nga komentueset e fotos ka zbuluar një të fshehtë që ndoshta flet më shumë për mashkullin që Viola ka në krah.
“Të dy emër mbiemër me VS e keni. Çfarë kombinimi perfekt. Çifti më i mirë i të gjitha kohërave”, shkruan njëra nga komentueset.
