Ka ndërruar jetë si pasojë e COVID-19, një i moshuar mbrëmjen e djeshme, duke e çuar kështu në 27 numrin e viktimave nga koronavirusi në vendin tonë.
Viktima që banonte në Durrës, kishte dy javë që ishte i shtruar në spitalin “Shefqet Ndroqi” në Tiranë.
I moshuari, i cili ishte vendosur në intubim ditët e fundit, dyshohet se vuante nga hipertensioni.
Burime për Report Tv bëjnë me dije se viktima është Çapajev File, ish-oficer i Marinës. Lajmi konfirmohet edhe nga miqtë të 71-vjeçari, i cili ka mbajtur gradën e kapitenit të rangut në Durrës.
Ndërkohë në orën 11:00 pritet edhe përditesimi i të dhënave nga Ministria e Shëndetësisë mbi situatën e COVID-19 në të gjithë Shqipërinë.
/Iconstyle.al
