Një grup prej 50 studentësh e kanë kaluar natën në fakultetin e Ekonomikut në Tiranë.
Ata vijojnë protestën e tyre të kthyer tashmë në ngujim brenda ambjenteve të fakulteteve, duke sfiduar temperaturat e ulta.
Sot në një deklaratë për mediat studentët e këtij fakulteti bënë thirrje që të mos i cilësojnë partiakë, pais sipas tyre nuk kanë asnjë lidhje me politikën, por janë aty vetëm për kauzën e tyre.
“Qëllimi ynë nuk ishte ndërrimi i partive, por plotësimi i të drejtave legjitime. Ne u themi këtë: në shkollë jemi 100 vetë, por mbi kokë kemi si aureolë shumicën që duan të studiojnë. Të gjithë duam mësim”, thuhej në deklaratën që lexoi një prej studenteve.
Ndërkaq, për mënyrën se si do të procedojnë me protestën më tej, të rinjtë u shprehën se do të oerganizojnë një mbledhje në orën 18:00 dhe aty do të vendosin se çfarë do të bëjnë.
