Vijon numërimi i votave në SHBA dhe gara duket tejet e ashpër, por Biden kryeson. Ai ka tashmë 264 vota elektorale, kundrejt Donald Trump që ka vetëm, 214.
Kështu, demokratit i duhen të paktën tre vota për të kapur minimumin e 270 votave elektorale që e bëjnë atë Presidentin e ardhshëm të SHBA-ve.
Kujtojmë edhe se Biden ka vendosur një rekord historik, duke u bërë kandidati më i votuar e duke thyer kështu rekordin e mëparshëm të mbajtur në zgjedhjet e 2008 nga Barack Obama me vetë nënkryetarin Biden.
Nga ana tjetër Trump, do të duhet të fitojë të katër shtetet e mbetura që luajnë rol vendimtar për mandatin e radhës.
Nevada, Karolina e Veriut, Pensilvania dhe Georgia, janë të vetmet tek të cilat numërimi s’ka përfunduar ende. Trump është në avantazh në të tre nga katër shtetet e mbetura përveç Nevadës. Në Nevada janë ‘mailvoting’, ende pa u numëruar të cilat favorizojnë Biden. Dhe vetëm Nevada do të mund ta çonte Biden në Shtëpinë e Bardhë.
Ndërkohë Trump pretendon se i janë vjedhur votat dhe se është cënuar integriteti i sistemit si dhe vetë zgjedhjet presidenciale. Përmes një postimi në Twitter ai shkruan se këto problematika duhet të diskutohen.
“Dëmi është bërë tashmë në integritetin e sistemit tonë dhe në vetë zgjedhjet presidenciale. Kjo është ajo që duhet diskutuar! – shkruan Trump.
