Çfarë dreqin po hamë?
Kjo është pyetja që ia bëjmë vazhdimisht vetes sa herë që bëhen publike raste të prodhimeve bujqësore me stimulante dhe hormone.
Dhe ja një video e fundit e publikuar nga Olti Curri në Instagram, na ka tmerruar në kuptimin e parë të fjalës! Sa gjasa ka që një domate të ketë brenda një luleshtrydhe?
Epo në Shqipëri ndodhin të tilla çudira!
“Tmerr. (Video nga ndjekësit e faqes time) Prite kur të na dalin kunguj nga veshët dhe banane nga sytë me këto qe po hamë…Zoti i ruajt shqiptarët (se politikanët ruajnë veten)”, shkruan Olti.
Videoja e tij është shpërndarë edhe nga aktori i njohur Bes Kallaku, një ndër simpatizantët më të mëdhenj të domates.
“Janë bërë domatet si vezë Kinder. Po i blejmë me pa çfarë dhuratash kanë brenda. Mos ma prek domaten!”, shkruan ai.
“Fiks Fare” zbuloi kohë më parë se fermerët përdorin stimulantë dhe hormone në rritjen dhe pjekjen e fruta-perimeve.
Në një vëzhgim në Kuçovë dhe Berat, nga ku furnizohemi me fruta-perime, gazetarët e “Fiksit” zbuluan se domateve dhe kastravecëve iu hidheshin hormone për t’i nxjerrë sa më parë në treg.
Për të dyja këto produkte, fermerëve iu bë një pyetje të thjeshtë: A i konsumoni vetë? Përgjigjja e tyre ishte: Jo!
/Iconstyle.al
