Gjatë protestës së djeshme në rrjete sociale u shpërnda me shpejtësi një video, në të cilën një vajzë shihej e ulur përballë policisë dhe ata e sulmojnë me ujë të ftohtë. Pavarësisht kësaj ajo nuk lëviz dhe të gjithë e duartrokitën për vendosmërinë e që nuk u tremb përpara veprimit të policisë së shtetit.
Shkrimtarja Flutura Açka ka ndarë një foto të vajzës shkëputur nga videoja dhe e ka shoqëruar me shkrimin: “E bukura dhe bisha”.
Siç duket protagonistes në foto i ka rënë në sy ky postim dhe ka lënë një koment. Ajo ka treguar të gjithë ngjarjen dhe e ka cilësuar këtë moment si foton e saj të lirisë. Vajza në fjalë quhet Nertila dhe ka treguar si e ka përjetuar gjithë ngjarjen, që e vendosi në qendër të vëmendjes në rrjete sociale.
View this post on Instagram
“Përshëndetje! Unë jam Nertila, vajza në atë foto në protestë. Me emocionoi shumë digitura juaj mbi foto. Është fotoja ime e lirisë, në kërkim të drejtësisë për Klodianin e për të ardhmen!
Para se të ulesha aty, dy djem protestues, po më largonin të më merrnin me vete tek turma që largohej. Isha shumë e rebeluar se pse po hidhnin pa masë rinisë gaz lotsjellës, e ujë krejt trupit nga pompat e tyre. U thashë djemve të vazhdojnë, pak ndjeva një marrje mendësh nga gazi,e ula para policisë, e lirë. Dëgjoja emra politikanësh shpesh nga rinia që ulëriste në dëshpërim. Ah çfarë emrash! Emrat që vrasin nga vullneti shqiptarët tash 30 vjet! Emra që vënë në pushkë plumbat jo vetëm efektiveve të pashkolluar e trajnuar, por kujtdo qe mbart shpresën për Drejtësi në këtë vend!
Aty para tyre, fillova të shoh film. Mu duk sikur ata, policia po bashkoheshin me ne! Duhej ta shihja atë film, së pari që të vihej drejtësia e duhur për Klodianin, e së dyti, që të ushqej më shumë lirinë time! Prandaj e qetë e askush nuk kuptonte! Vetëm njerëzit e lirë mund të me kuptojnë! Ashtu si ju!”, shkruan ajo.
