Koronavirusi është kthyer në makth në të gjithë botën, pasi numri i të vdekurve dhe i të infektuarve rritet çdo ditë.
Deri tani raportohet se numri i të vdekurve ka shkuar në 426 dhe numri i të infektuarve në 20 438.
Virusi është përhapur në shumë shtete të botës duke kaluar kufijtë e Kinës dhe frika sa vjen edhe behët më e madhe.
Nga frika është vënë re se shtetasit kinezë po diskriminohen dhe një rast është evidentuar edhe në Shkup.
Një person i indinjuar i është afruar një grupi kinezësh dhe u kërkon atyre që të largohen.
“Koronavirus, largohuni prej këtu. Shkoni në Kinë”, dëgjohet t’i thotë personi.
Videoja është shpërndarë në Twitter dhe komentet kanë qenë të shumta.
Njerëzit e cilësojnë këtë si një gjest të ulët, i cili duhet të dënohet.
Të tjerë mendojnë se ata nuk kanë faj për virusin dhe nuk duhet të diskriminohen për këtë gjë.
Само нуклеарка за нас! ?? pic.twitter.com/uBV9HkvZBU
— Frank Castle (@skopskipunisher) January 29, 2020
Pas këtyre ka reaguar kryetari i Shkupit, Petre Shilegov, cili u ka bërë thirrje autoriteteve të hetojnë mbi ngjarjen.
