Pavarësisht faktit se festa “Baby shower” bie ndesh me protokollin e familjes mbretërore, dukesha e Sussex, Meghan Markle, ka vijuar të ndjekë traditën amerikane.
Ajo së bashku me disa nga mikeshat e saj ka organizuar një festë përrallore në një hotel në Upper East Side, New York, për t’i uruar mirëseardhjen në jetë foshnjës së saj.
Festa është zhvilluar në fshehtësi të plotë, mirëpo një burim për “E! News” ka treguar disa detaje, duke zbuluar se lulet e dekorit kishin ngjyrat e pranverës, në nuancat e pastelit.
Ndërkohë, nuk mbaron me kaq!
Një javë pas festës, shefi i “The Mark Restaurant”, Jean-Georges Vongerichten, ka publikuar disa detaje të tjera nga dekori i festës.
Siç mund ta shikoni edhe ju vetë në videon e mëposhtme, ëmbëlsirat ishin në forma nga më të ndryshmet dhe duken shumë të shijshme.
https://www.instagram.com/p/BuTBrgAIAzD/?utm_source=ig_embed&utm_campaign=embed_video_watch_again
Duke qenë se Princ Harry dhe Meghan e kanë mbajtur të fshehtë gjininë e foshnjës, edhe në festën “Baby shower” dominonin përzierjet e ngjyrave.
Rikujtojmë se pak ditë më parë, një burim tha për “Us Weekly” se gjatë festës Meghan u ka thënë mikeshave të saj se është në pritje të një djali!
