Teza e një YourTuber të quajtur Cara Nicole është: Si arrijnë markat luksoze t’ju mbajnë të varfër”.
Videoja e saj është bërë virale në rrjetet sociale duke marrë shumë komente pozitive. Nicole argumenton se njerëzit janë të gatshëm të shpenzojnë shuma të mëdha parash për markat e stilistëve për shkak të mënyrës se si ata duan të perceptohen nga të tjerët.
“Ne kërkojmë statusin social që nga ajo që veshim, ku shkojmë në shkollë e deri te çantat që mbajmë. Ne duam të perceptohemi si njerëz me status të lartë, veçanërisht status më të lartë se ata që na rrethojnë. Bota e markave të stilistëve, nga Louis Vuitton te Rolex, është ajo ku statusi social arrihet thjesht përmes konsumit dhe shpenzimeve. Është një sistem që lehtësisht mund t’ju mbajë të varfër nëse nuk jeni të kujdesshëm”, shprehet ajo.
Nicole shpjegon se pavarësisht çmimeve të larta, këto marka të stilistëve synojnë më shumë të varfrit, ose ndryshe “njerëzit që duan të duken të pasur”.
Ajo shpjegon se kur dikush blen një çantë dore të shtrenjtë me qëllimin për ta shitur atë 10 vjet më vonë, shitësi ka të ngjarë të arrijë ta shesë çantën vetëm me të njëjtin çmim tregu, një fitim 0%.
“Ajo që shpresoj është që kjo të na ndihmojë të mendojmë pak më ndryshe për markat e stilistëve dhe mënyrën se si i shpenzojmë paratë tona,” thotë ajo në fjalën e saj përmbyllëse.
