Tre lojtarë të Real Madridit të cilët nuk janë identifikuar ende janë vënë në pranga nga Policia spanjolle. Sipas gazetës El Confidencial, një tjetër është në hetim, pasi dyshohet se kanë shpërndarë një video seksuale me një të mitur.
Policia njoftoi në një deklaratë për shtyp të enjten se, lojtarët janë lënë të lirë pasi u sekuestruan të dhënat në celularët e tyre.
Sipas policisë, rasti lidhet me një denoncim të bërë nga nëna e një vajze 16-vjeçare në Ishujt Kanaire për një regjistrim me video të marrëdhënieve seksuale. Gjatë marrjes në pyetje e mitura ka treguar se marrëdhëniet ishin me miratimin e palëve, por regjistrimi i akteve seksuale u bë pa pëlqimin e saj.
Arrestimet vijnë mes akuzave për abuzim seksual kundër ish-drejtorit të federatës spanjolle të futbollit Luis Rubiales, i cili puthi në buzë futbollisten Jenni Hermoso pas fitores së Spanjës në Kupën e Botës.
Lidhur me rastin një reagim zyrtar ka bërë edhe ‘Real Madrid’ i cili publikoi një deklaratë duke thënë vetëm se katër lojtarë të ekipit të të rinjve ishin marrë në pyetje nga policia “në lidhje me një ankesë për një pretendim të pretenduar të një videoje private përmes sistemit të mesazheve WhatsApp.”
