Ishte një ditë e zakonshme pune si shofere autobusi për Irene Ivic por gjithçka ndryshoi kur ajo vuri re një femije 3-vjeçar të braktisur në rrugët e Milwaukee, SHBA, në temperaturat e ulëta të këtij dimri. E shokuar, Irene ka ndaluar menjëherë autobusin dhe ka marrë vogelushin i cili vraponte i zbathur dhe i veshur vetëm një bluzë dhe pelenë.
Heroina në fjalë e ka marrë në krahë dhe e ka futur menjeherë në autobus, ku pasagjerët ndihmuan të mbështillnin vogëlushin me veshjet e tyre teksa lajmeruan shërbimet e emergjencës.
“O zot , o zot, po dridhem “ – dëgjohet të thotë Irene teksa e mbante në krahë të voglin.
Pas këtij veprimi kaq human Irene u nderua me një çmim nga eprorët e saj. Pas zbardhjes së ngjarjes është kuptuar që fëmija ishte lënë jashtë nga nëna e tij, që mendohet të ketë probleme të shëndetit mendor. Menjëherë pas ngjarjes është berë i mundur bashkimi i të miturit me të atin.
“Jam e lumtur që u ndodha në vendin e duhur, në kohën e duhur!” është shprehur Ivic gjatë ceremonisë që u mbajt në nder të saj.
