Taylor Swift e cilësoi si një “mesazh të fortë kundër femrave”, këngën e re të Kanye West, “Famous”.
Tani këngëtarja 26-vjeçar thuhet se është shumë e nxehur me reperin për përdorimin e një figure prej dylli të saj në videoklipin e ri, që debutoi në Los Angeles të premten.
Taylor po planifikon diçka dhe po përpiqet të gjejë se si do t’i përgjigjet videos shokuese të Kanye-s, raporton “HollywoodLife”. Në video shihet imazhi i saj i realizuar në dyllë, që qëndron e zhveshur në shtrat me Kanye West, Chris Brown, Donald Trump, Kim Kardashian, etj.
“Ajo ndihet sikur është sulmuar. Ajo e dinte që ai ishte i paparashikueshëm, por nuk ia merrte mendja që do të arrinte deri këtu. Ajo po ndërton një strategji me ekipin e saj në lidhje me lëvizjen e saj të ardhshme. Të shkruash një këngë për ta fyer, thjesht nuk është mjaftueshëm për diçka të tillë”, tha një burim pranë Swift.
Për të shmangur keqkuptimet, në fund të videos, reperi ka falënderuar personazhet në fjalë për të qenit të famshëm dhe ka thënë se videoja nuk është as në mbështetje dhe as kundër njerëzve në video, por është thjesht një koment mbi famën.
Burimi: Daily Mail
