Moti i keq me temperatura të ulta ka sjellë reshje dëbore dhe shiu në disa zona të vendit. Era e fortë gjatë natës së mbrëmshme ka shkaktuar dëme të shumta në Lezhë.
Si pasojë e erës së fortë, është rrëzuar pema e Krishtlindjeve dhe vitit të ri, e vendosur në sheshin “Gjergj Kastrioti” si dhe ka pësuar dëmtime edhe dekori festiv. Gjithashtu janë dëmtuar edhe linjat elektrike në disa zona.
