Delinda Disha është një ndër aktoret e humorit më në zë të momentit, ku përveç karaktereve që krijon ka imituar dhe personazheve të njohur si Briseida Shehaj, Monika Kryemadhi, Mirela Milori, Arbana Osmani dhe Alketa Vejsiun.
Së fundmi, ajo ka zgjedhur të imitojë mjeken dhe njëkohësisht kandidaten e re të Partisë Socialiste, Najada Çomon. Mesa duket këtë numër pritet që ta shohim këtë të shtunë në emisionin e humorit “Klanifornia”. Në këtë numër vihet re se do të jetë pjesë dhe aktorin Eglein Laknori, të cilët dialogojnë së bashku.
View this post on Instagram
Kujtojmë se një ndër çështjet që u diskutua gjërësisht ishte ajo e gjyqit që aktorja hapi ndaj programit “Portokalli”. Kohë më parë ajo ka treguar se në vitin 2018 vendosi të hiqte dorë nga ky program dhe gjithçka u bë sipas rregullave, thotë aktorja, e cila shton se u nda mirë me drejtuesit e televizionit. Por pak muaj pasi kishte filluar punë në “Klanifornia” asaj i kishte ardhur një padi nga televizioni për shkeljen e një kontrate në të cilën ishte falsifikuar firma.
“Është e turpshme, unë e përjetova për hir të vërtetës, por tani e kam marrë shumë lehtë sepse e drejta fiton gjithmonë. Është e turpshme që një televizion të arrijë deri në këtë farë niveli që të falsifikojë kontratën e një nga aktorëve që për 5 vite sa kam qenë aty kam pasur marrëdhënie shumë të mira dhe jeta është e gjatë, ndoshta unë mund të shkoja prap”, tha kohë më parë Delinda.
