Një situatë e sikletshme mes Ariana Grande dhe Bill Clinton ka pushtuar rrjetin. Për këngëtaren u shkrua se nuk ishte veshur në mënyrë të denjë për të nderuar mbretëreshën e muzikës “soul”, Aretha Franklin.
Por mesa duket një prej të pranishmëve nuk e kishte aspak problem këtë detaj. Ish-Presidenti Bill Clinton u kritikua në rrjet se ia kishte ngulur sytë të pasmeve të 25-vjeçares, ndërsa kjo e fundit po performonte në kujtim të së ndjerës.
Ndërsa ajo këndonte hitin e Aretha-s, “(You Make Me Feel Like) A Natural Woman”, Clinton nuk ia ndante sytë dhe rrjeti nuk i ndali kritikat për këtë.
Komentuesit e tjerë në rrjetet sociale ia vunë fajin Grande-s, e cila kishte zgjedhur sipas tyre një veshje të papërshtatshme për atë rast, fustani ishte shumë i shkurtër dhe kishte këpucë me takë të lartë.
Burimi: The Sun
