Olta Boka është kujdesur gjithnjë që ta mbajë partnerin e saj larg rrjeteve sociale e syve të medias, mirëpo në dasmën e kolegut të saj, Erik Lloshit, dyshja nuk ka hezituar të argëtohet e të kërcejë sikur askush nuk po i shihte.
Në një video të publikuar nga “Panorama Plus” këngëtarja dhe i fejuari i saj Ivi Rrokaj, shihen duke kërcyer një këngë hip-hop dhe nuk mund të mos surprizohesh nga lëvizjet befasuese të Oltës, që jemi mësuar ta shohim gjithnjë në skenë me balada e këngë të lehta.
Olta Boka ne dasmen e Erik Lloshit me te fejuarin on Vidnews.
Ndonëse ka vite që është personazh publik dhe pjesë e showbiz-it, Olta Boka ia ka dalë që jetën e saj private ta mbajë sa më larg syve të medias.
Gjithçka që dihej deri pak kohë më parë ishte vetëm se Olta ishte prej kohësh në një lidhje me një djalë misterioz, që më pas rezultoi të ishte djali i ish-deputetit të LSI, Shezai Rrokaj.
Sakaq, pak muaj më parë në emisionin “Rudina”, Olta nuk mundi t’i shpëtonte pyetjeve të moderatores Rudina Magjistari për unazën me gur të çmuar që mbante në gishtin e unazës, duke konfirmuar kështu se lidhja e saj ishte në një tjetër etapë, në atë të fejesës.
