Në “American Idol”, ku merr pjesë si gjyqtare, Katy Perry bëri një veprim që nuk u prit dhe aq mirë. Mirëpo fansat e saj dhe ata që e panë videon që ajo postoi në Twitter, jo vetëm që nuk qeshën, por edhe u mërzitën me të.
Këngëtarja mban në duar një copë pica dhe është gati t’ua hedhë fansave të saj, të cilët po marrin pjesë në audiencën e konkursit të talenteve televizive.
Perry e postoi videon në Twitter dhe shumë nga ata që e panë klipin reaguan negativisht. Ndër të tjera, fansat e saj shprehën zhgënjimin e tyre me yllin e tyre të preferuar, që hodhi ushqimin duke përfunduar në dyshemenë e studios.
Disa i shkruajnë asaj: ”Ushqimi nuk është menduar të hidhet ashtu” , ”Nuk do ta bëja kurrë këtë, është mungesë respekti” dhe ”të lutem mos e bëj më kurrë“.
