Cara Delevingne nuk ka ecur në pasarelën e Victorias’s Secret Fashion Show që nga viti 2013. Por atë mund ta shihni shumë shpejt me krahët e engjëllit, pasi VS e ka ftuar të marrë pjesë në eventin e nëntorit.
Ftesa që Victoria’s Secret i ka bërë modeles Cara Delevingne, u publikua nga vetë modelja pas një artikulli që “The Sun” kishte publikuar, ku vinte në dyshim format trupore të saj. Producenti ekzekutiv Edward Razek ia ka dërguar personalisht ftesën e veçantë modeles më 3 nëntor. Në të shkruhej: “Nëse je e lirë më 30 nëntor, ju lutem, bashkohuni me ne në Paris”.
Cara Delevingne e publikoi ftesën duke shprehur pakënaqësinë e saj për artikullin e “The Sun” i cili e kishte cilësuar modelen “të fryrë”: “Është e turpshme të diskutosh trupin e femrave vetëm për të shitur”. Nuk dihet nëse kjo përgjigje është një “po” ndaj ftesës së bërë nga VS, por të gjithë do të prisnin me padurim ta shihnin Cara-n në eventin e nëntorit:
