David dhe Victoria Beckham kanë folur për herë të parë për tradhtinë e supozuar të ish-futbollistit gati 20 vite më parë.
“Ishte periudha më e vështirë për të dy sepse ndiheshim sikur gjithë bota ishte kundër nesh dhe ne ishim kundër njëri-tjetrit-tha stilistja.
Edhe David Beckham foli për krizën e tyre në 2003-shin, duke kujtuar se si janë ndjerë në atë periudhë.
“Sa herë që zgjoheshim ndjenim se kishte diçka tjetër. Nuk po humbnim njëri-tjetrin, por po mbyteshim. Ndihesha i sëmurë fizikisht dhe emocionalisht,”- ka rrëfyer ish-ylli i futbollit.
Kujtojmë që historia e tyre e dashurisë do të niste në vitin e largët 1998 gjatë një ndeshjeje futbolli për motive bamirësie, për t’u kurorëzuar në martesë më 4 korrik të 1999-s, në një ceremoni madhështore.
