Kanë kaluar 23 vite që kur Victoria dhe David Beckham shkëmbyen unazat në Irlandë. Më 4 korrik 1999, Victoria Adams, u bë zonja Victoria Beckham kur u martua me të dashurin e saj futbollist të rrethuar nga familja dhe miqtë e tyre. Për të shënuar momentin historik, Victoria postoi një foto të çiftit me një mbishkrim më të ëmbël si rrallë herë.
“Thonë se nuk buzëqesh kurrë, thanë se nuk do të zgjasë… Sot festojmë 23 vjet të martesës. David ti je gjithçka ime, të dua shumë”- u shpreh Victoria.
Në Story-n e saj në Instagram, ajo ripostoi urimet nga fëmijët e tyre, Romeo dhe Cruz. David dhe Victoria Beckham janë një nga çiftet më jetëgjatë të Hollivudit për një arsye të mirë, ata kanë kaluar shumë eksperienca bashkë.
Nga rritja e katër fëmijëve deri te karrierat dhe të qënurit në qendër të vëmendjes, ata mbështeten te njëri-tjetri për të arritur nëpër çdo aventurë që jeta i hedh rrugën. Ata gjithashtu mbështeten tek njëri-tjetri për të kapërcyer vështirësitë, duke përfshirë numrin e pafund të thashethemeve rreth jetës së tyre të dashurisë. Akuzat për tradhti dhe thashethemet për divorc nuk kanë munguar gjatë gjithë rrjedhës së martesës së tyre, por dyshja angleze mbetet e bashkuar.
